வீட்டில் எப்போதும் செல்வமும் மகிழ்ச்சியும் நிலவ

           நமது பண்டைய பாரதத்தினுடன் இரண்டறக் கலந்தது தீப வழிபாடு, காலை மாலை 4,30  முதல் 6,00 மணிகளுக்கு உள்ள நேரம்,  தீப சக்தி வழிபாட்டிற்கு உகந்த நேரமாக கருதப்படுகிறது.  ஒருவரின் கிரக அமைப்பு எப்படி இருந்தாலும் மேற்கண்ட நேரங்களில் வீட்டில் தீபங்களை ஏற்றுவது கிரக பாதிப்புகளை வெகுவாக குறைப்பது மட்டுமின்றி லட்சுமி கடாட்சத்தை வீட்டில் துலங்க வைக்கும் சக்தி கொண்டது. முப்பது , நாற்பது வருடங்களுக்கு முன்பு வரை வீட்டில் விளக்கேற்றுவதற்கு  வசதியாக வாயில்கள்,  முற்றங்களில் விளக்கு ஏற்றி வைக்க பிறை மாடங்கள் வைத்து கட்டும் பழக்கம் இருந்து வந்தது.அதில் தலைமுறை தலைமுறையாக விளக்கேற்றும் பழக்கம் இருந்து வந்தது.  நவீன காலகட்டத்தில்    பாரம்பரிய நல்ல வழக்கங்கள் எல்லாம் அருகிப்போனது.  

                                                                        

                விளக்கில் பிரகாசிக்கும் தீபத்தை அருட்பெரும்ஜோதியாக வழி பட்டவர் வள்ளளார். பரம் பொருளின் அடையாளமாக விளங்குவதே தீப ஒளி. ஏற்றி வைத்த தீப ஒளி எங்கும் நிறைவது போல், இறைவனும் விளக்கேற்றி வழிபாடுவோர் மனங்களில் நிறைந்து விடுகிறார்.

                  ஒளி அது ஏற்றப்படும் இடங்களைப் பொருத்து அதில்  சூட்சம சக்திகள் தோன்றுகிறது.  அந்த விளக்கில் எரியும் அக்னியின் தன்மைகளுக்கும், வேறு காரணங்களுக்காக பயன்படும் அக்னியின் தன்மைகளுக்கும் சூட்சம நிலையில் வேறுபாடுகள் உள்ளன.

                    எந்த காரியத்திற்காக அக்னி பயன்படுத்தப் படுகின்றதோ அதைப் பொறுத்து அதனுடைய சூட்சம தன்மைகள் மாறுபடும், விளக்கின் தீப ஒளி, மின்சார விளக்கொளி, தீப்பொறி, மின்னல், சூரிய ஒளி, சந்திர அமுத ஒளி, என பல வகையான அக்னியின் அம்சங்களை காண்கிறோம். இவையாவும் ஸ்தல நிலையின் காணும் ஒளி நிலைகள்.

                     ஜடராக்னி என்பது உண்ணும் உணவு செரிப்பதற்காக உடலில் எரியும் அக்னி.  யோகத்தில் உயர, உயர தன்னைச் சுற்றி தோன்றும் அக்னி யோகக்னி  ஒருவருடைய  ஆன்மீக சக்தியை உணர்த்துவதாக அமைவது  AURA  எனப்படும் ஆத்ம ஒளியும் கூட பலவிதமான நிறங்களில் அமைந்து ஒருவருடைய தெய்வீக நிலையை குறிக்கும். உணர்வின் வேகத்தில் பாலுணர்வு தூண்டலில் வெளிப்படும் அக்னி காமாக்னி.  மன்மத தகனத்தில் முக்கண்ணனா சிவபெருமான் மன்மதனை எரித்தது. 

                     இன்றைக்கும் ஒவ்வொரு மனிதனுடைய உச்சத் தலைக்கு மேல் சூட்சமமாக அவனுடைய  படிநிலைக்கு ஏற்ப ஆத்ம ஒளி தோன்றுகிறது. மிக சிறந்த உத்தம நிலையில் உள்ளவர்களுக்கு இது ஆத்ம ஒளியாகவும், சாதாரண நிலையில உள்ளவர்களுக்கு தேக ஒளியாகவும், தேக காந்தியாகவும், அல்லது மங்கிய சாம்பல் நிற ஒளியாகவும். பாவச்சுமைகளுடன் பிரயோஜனம் இல்லாத வாழ்க்கை வாழ்பவர்களுக்க இலௌகீக கரிய இருள் சூழ்ந்து ஒளியற்ற நிலையாகவும் விளங்குகின்றது. 

                     நாம் மகான்களையோ, யோகிகளையோ நாம் தரிசிக்க செல்லும்போது  அவர்களின் உச்சந்தலையில் தோன்றுகிற  ஒளியின் தன்மைகளை வைத்து அவர்கள் அவரின் நிலைகளைப் பற்றி அறிந்து கொள்வார்கள். பண்டை திபெத்திய கலாச்சாரத்தில் லாமாக்கள் சிறப்பு பெற்றிருந்தார்கள். அவர்களை தேடி வருபவர்களின் ஒளி நிலையைப் பொருத்து தங்கள் குருவைப் பார்க்க அவர்களை அனுமதிக்கலாமா என்பதை முடிவு செய்வார்கள்.

                       நெருப்பு எரியும் போது அது மனிதர்களின் மன எண்ண அலைகளை ஈர்க்கும் ஆற்றல் பெற்றவை. அதில் ஏற்படும் பதிவுகளை மற்ற பரிமாணங்களுக்கும் கடத்தும் தன்மை கொண்டவை.  யாகம் வளர்ப்பதும் இதன் தாத்பரியமே. மனிதன் யாகம் வளர்த்து தன் வேண்டுதல்ளை ஆகுதியிட்டு அக்னி முன் தெரிவிப்பது இதனால்தான்.

                     எல்லோருக்குள் பரம் பொருள் ஆத்ம ஜோதியாக உறைகிறார் என்பது உண்மையே ஆனால் அதை உணர வேண்டும் என்பதற்காகத்தான் பெரியோர்களால் தீபம் ஏற்றுவது சிறந்த வழிபாடாக எடுத்துவைக்கப்பட்டது. அக்னி வழிபாட்டில் புராதன அக்னி வகை என்று ஒன்றுண்டு அதை தரிசிப்பதும் வழிபடுவதும் மிகச் சிறந்த ஒன்று. மகாராஷ்டிரத்தில் ஷீரடி பாபாவின் சந்நிதியில் எரியும் அக்னி, வள்ளலார் ஒளி நிலை அடைந்த வடலூர் இன்றளவிற்கும் எரிந்து கொண்டிருக்கும் தீபாக்னி, மடைப்பள்ளியில் மக்களின் ஜடராக்னியால் ஏற்படும் பசி பிணி நீங்க நூற்றாண்டு காலம் அடுப்பில் எரிந்து கொண்டிருக்கும் புராதன அக்னி.

                        ஏற்ப்படும் விளக்குள் அது ஏற்றப்டும் உலோகத்தைப் பொறுத்து அதன் சூட்சம சக்திகள் வெளிப்படும்.  தாமிர விளக்கு வைராக்கியத்தையும், வெள்ளி விளக்கு மன அமைதியையும், தங்க விளக்கு தாம்பத்ய உறவையும், ஆயுளை வளர்க்கும்  நவசத்தினம் பதித்து இதில் அன்னம், யாளி, சிங்கம், சூலம், நந்தி, சங்கு, சக்கரம் என்ற தங்கத்தால் இவ்வுருங்களுடன் கூடிய விளக்தில் தாமரை நூல் திரியில் நெய் விளக்கு ஏற்றி நவரத்தினங்களின் மேல்படும் தீப ஓளி இறைவன் மேல்பட்ட பிரதிபலித்து நம் மீது படும்போது எத்தகைய நவகிரகத்தினால் ஏற்படும் தோஷங்கள் வெகுவாக குறையும்.

                        அகல்விளக்குகளில் சில வகைகள் உண்டு. களிமண்ணால் செய்து சுடாமல் இருப்பது இதில் தீபமேற்றி வழிபட வாத நோய்கள் தீரும். சுட்ட அகல் விளக்கில் ஏற்றும் தீபத்தை மணி  தீபம் என அழைப்பார்கள் ஒருவர் எத்தனை விளக்குகளை ஏற்றி வருகிறாரோ அதற்கு பலனாக இல்வாழ்வில் சகல சுகபோகங்களும் கிடைக்கும்  மறுபிறவியில் அரச பதவி கிடைக்கும். கோயில்களில் லட்சம் தீபங்களை எல்லோறும் சேர்ந்து ஏற்றுவதன் மறைமுக பலன் இதுவே.

அன்புடன்

சந்திர ஆதித்யன்.

                                                   

விபத்து நடக்கப் போவதை அறிந்து கொள்வது எப்படி

           ஒருவருடைய ஜாதம் முழுமையும் திரிகோண பாவ அடிப்படையில் அமைகிறது. திருகுறள் அதிகாரங்கள் அறம், பொருள், இன்பம், வீடு பேறு என்ற அடிப்படையில் அமைக்கப்பட்டிருப்பது இதற்கான சான்றை தருகிறது. அறம் என்பதை முதன்மையானதாக வைத்திருப்பது வாழ்க்கை தர்மம், தயை, நியாயம் சார்ந்ததாக அமைய வேண்டும் என்பது இதன் சூட்சமம், அதன் பிறகு மனித வாழ்க்கைக்கு உழைத்து பொருள் தேடுதல் என்பது வாழ்க்கையில் தேவைப்படுகிற செல்வம், அந்தஸ்து, பதவி போன்றவற்ளை அடையும் அமைப்பை பற்றி சொல்வது பொருட்பாலிலும்,  நியாயமான உடல் சுகம் பெற்று தனக்குப்பிறகு தனது சார்பாக தான் தேடிக்கொண்ட செல்வத்திற்கு  வாரிசாக மக்கட்பேறு என்பதை இன்பம் என்ற பிரிவிலும், கடைசியாக தான் வந்த நோக்கம் நிறைவேறிய பின் எல்லாவற்றையும் விடுத்து இறைவனை அடையும் நிலையை வீடு பேறாகவும் அமைந்திருக்கிறார் ஐயன் திருவள்ளுவர்.

                                                                          

          அதன்படி 1.5,9. என்பதை தர்ம திரிகோணமாகவும்,2,6,10 ஐ பொருள் திரிகோணமாகவும், 3,7,11, ஐ  காமத்திரிகோணமாகவும்,  4,8,12 ஐ மோட்ஷ திரிகோணமாகவும் ஜாதகத்தை துல்லியமாக கணிக்க உதவுகின்றன. 

          4,8,12ம் பாவங்களின் உபநட்சத்திராதிபதிகள் ஒரு நபருக்கு ஏற்படப்போகும் எதிர்மறையான சம்பவங்கள், எதிர்பாராத நேரத்தில் ஏற்படும் விபத்து, கண்டங்கள், நோய், அதானல் ஏற்படும் உயிரழப்பு  அல்லது அங்கஹீனம் ஆகியவற்றை குறிக்கிறது.

          சதாரணமாக 4,8,12 பாவ உப நட்சத்திரங்கள் தசா, புத்தி, அந்தரம் என்ற அளவில் அமையும் கிரகங்களே அவற்றை தீர்மானிக்கிறது. உதாரணமாக 4,8,12 பாவ உப நட்சத்திராதிபதிகள் சுக்கிரன்/சனி/சுக்கிரன் என ஏற்படுமாயின் இவருக்கு வாழ்க்கை முழுவதும் விபத்துகளே ஏற்படாது என்று சொல்லிவிடலாம். காரணம் ஒருவர் வீட்டில் மற்றவருக்கு நட்சத்திரம் இல்லை. அதாவது சனி வீடான மகர, கும்பத்தில் சுக்கிரனுக்கான நட்சத்திரம் இல்லை. அதே போல சுக்கிரனுக்கான வீடான ரிசபம், துலாத்தில் சனியின் நட்சத்திரம் இல்லை.இந்நிலை நல்ல அமைப்பு.மாறாக

           சனி/சுக்கிரன்/ குரு என்பதாக அமையுமானால் இவருக்கு விபத்துகள் காத்திருக்கிறது என்பது பொருளாகும்..காரணம் சுக்கிரன் வீடான துலாத்தில் சுக்கிரனின் நட்சத்திரம் பூராடம் இருக்கிறது. குருவின் வீடான தனுசில் குருவின் நட்சத்திரமான பூரட்டாதி இருக்கிறது.. மீனத்தில் சனிக்கு சொந்தமான உத்திரட்டாதி இருக்கிறது.இப்படிபட்ட அமைப்பு இருந்தால், மேலும் சுக்கிரன் வீடு அதாவது துலாம் குரு நட்சத்திரம் விசாகம் ஆகியவற்றுடன் பாகை அளவில் சனி 2 டிகிரி அளவின் நெருங்கி அமையுமானால் அது விபத்தை தரும்.

             மீனத்தில் குரு , சனி, சுக்கிரன் 7 டிகிரி 46 பாகை அளவில் அமைந்தால் விபத்தை தரும். இதே போல் தனுசில் குரு,சுக். சனி 21 டிகிரி  அளவில் அமையுமானால் விபத்தை தரும். 

          இந்த குரு, சனி, சுக்கிரன் இவர்களின் தசா புத்திகள் நடைபெறும் காலத்தில் மிக கவனமாக இருக்க வேண்டும். இவர்களோடு அல்லது இவர்களில் யாராவது மாரக, பாதக ஸ்தானங்களுடன் சம்பந்தப்பட்டிருக்கிறார்களா என கவனிக்க வேண்டும்.

            இதே போல் அறம் சார்ந்த திரிகோணமான 1,5,9ம் பாவ உப நட்சத்திராதிபதிகள் ஒருவர் வீட்டில் மற்றவருக்கு நட்சத்திரம் இருந்தால் எப்படியாயினும் இயற்கைக்கு விரோதமான மரணம் நிச்சயம் சம்பவிக்காது. உதாரணமாக புதன்/குரு/சூரியன் என்றிருந்தால் அவருக்கு அகால மரணம் என்பது இல்லை. காரணம் புதன் வீடான மிதுனத்தில் குருவின் நட்சத்திரமான புனர்பூசமும், கன்னியில் சூரியன் நட்சத்திரமான உத்திரமும், குருவின் வீடான தனுசில் சூரியனின் நட்சத்திரமான உத்திராடமும்  மீனத்தில் புதனின் நட்சத்திரமான ரேவதியும் இருக்கின்றனர்.

               இதுவே சனி/புதன்/ சனி 1,5,9 என்று அமையுமானால் ஒருவர் வீட்டில் மற்றவருக்கு நட்சத்திரம் இல்லை எனவே இவரை பாதுகாக்கும் கிரக அமைப்பு குறைவு.

                                                               பரிகாரம்                                                                                                                                                                                                                                                                          சென்னை கோயபேட்டில் அமைந்துள்ள குறுங்காலீஸ்வரர் சிவன் கோயில உள் மண்டபத்தில் ஒரு தூணில் எழுந்தருளியுள்ள ஆஞ்சநேயர்  விபத்து சம்பந்தமான ஆபத்துகளிலிருந்து காக்கும் அற்புத சக்தி படைத்தவர் அங்கே வாகனத்தின் சாவியை வைத்து வணங்கி ஆஞ்சநேயரின் காலடியில் நல்ல சாம்பிராணி வைத்து வணங்கி அதை எடுத்த வைத்துக் கொண்டு. மேற்கண்ட அமைப்பு உள்ளவர்கள் பயணம் போகும்போது வாகனத்திற்கு திலகமிட்டு அந்த சாம்பிராணியால் வாகனத்தை சுற்றி தூபம் காட்டு பயணத்தை  ஆரம்பித்தால் எதிர்மறை சக்திகளிலிருந்து வாகனம் காக்கப்படும். தவிர திருமண தடை உள்ளவர்கள் இந்த ஆஞ்சநேயரை வணங்கிவர தடை அகலும்.            

                  மேலும் தவிர்க்க முடியாத பயணம் போகவேண்டுமானால் போகன்வில்லா எனப்படும் வாசனையற்ற காகித பூக்களை சிறிது எடுத்து வண்டியில் வைத்துக் கொண்டு பயணிப்பது எதிர்மறை சக்திகள் வாகனத்தை தாக்காது.    தவிர கனகாம்பரம் எனப்படும்  வாசமில்ல மலரை பிரயாணத்தின் போது பெண்களின் தலையிலோ, அல்லது வாகனத்திலோ வைத்துக் கொண்டு பயணிப்பது எதிர்மறை சக்திகளை அதிகம் ஈர்க்கும் தன்மை கொண்டது அதனை தவிர்பது நன்று.

அன்புடன்

சந்திர ஆதித்யன்,

                                                  

பிரச்சனைகளிலிருந்து விடுவிக்கும் ஜென்ம நட்சத்திர வழிபாடு.

                                                                                                                                                                                                                                                                                                                                                                         அட்சய லக்கன பத்ததியில் நட்சத்திர சாரம் பெற்ற கிரகங்களை வைத்தே பலன்கள் கணக்கிடப்படுகின்றன,  எந்த நட்சத்திரம் ஜாதகருக்கு நடந்து கொண்டிருக்கிறது என்பதை வைத்து லக்கன பத்ததி முறையில் அந்த நட்சத்திர சாரம் பெற்ற கிரகம் எந்த மாதிரியான பலன்களை ஜாதகருக்க. தர கடமைபட்டது என்ற புரிதல் இருந்தால் அந்த கிரகம் சாதகமாக இயங்குமா? அல்லது அவயோகங்களை அதிகமாக செய்யுமா என்பதை அறிந்து கொண்டால் நாம் சில முன்னெச்சரிக்கை நடவடிக்கைகளை மேற்கொண்டால் அதில் இருந்து தற்காத்துக் கொள்ள முடியும்.

                  ஒரு கிரகம் லக்கன பத்ததியின் அடிப்படையில் அவயோகம் செய்வதாக தீர்மானித்து விட்டால் அதிலிருந்து யாராலும் தப்பித்துவிட முடியாதுதான் ஆனால் பரிகார சூட்சமங்களை தெரிந்து வைத்திருந்தால் 90 விழுக்காடு அதன் பாதிப்பை குறைத்து விடலாம்.

                                                                   

          நாம் பிறந்தது எந்த நட்சத்திரம் ஆனாலும் . அதன் பின் தொடர்சியாக வரும் ஒவ்வொரு நட்சத்திர காலத்திலும் நாம் வாழ்ந்தாக வேண்டும், அட்ச லக்கினப்படி அந்த வருடத்தில்  அவரவரின் ஜாதகப்படி ஆட்சி செய்யும் நட்சத்திரங்களை அறிந்து அதன் மூர்த்தியாகிய கிரகத்தின் வழியே சில வழிபாடுகள் செய்ய வேண்டும்.

            வாழ்வில் தீயோர் தொடர்பு நீங்கி, நல்வாழ்வைப் பெறுவதற்காக அகஸ்திய மாமுனி வழங்கிய  ''நட்சத்திர சகாய திரட்டு ''  பாராயணம் செய்து வருதல் நல்ல  பலன்களை வழங்கவல்லது. இந்த மந்திரித்தை உச்சாடனம் செய்து சித்தி பண்ணிக் கொண்டு நதியின் கரைகளில் நின்று ஓதி சிறிது அந்த நீரை எடுத்து வீட்டில் வைத்துக் கொண்டால் நட்சத்திர தொடர்பு சம்பந்தான தோஷங்கள் நிவர்த்தியாகும்.

               உதாரணமாக ஒருவருக்கு அட்சய லக்ன பத்ததியின் படி மேஷ ராசியாக அமைந்து அதில் அஸ்வினி நட்சத்திரம் நடந்து கொண்டிருந்தால் காலபுருஷ தத்துவத்தின்படி செவ்வாய் ஒன்று, மற்றும் எட்டாம் ஆதிபத்தியம் பெரும் காரணத்தால் அஸ்வினி நட்சத்திர கிரகம் ஜாதகத்தில் கேது எங்கு அமைவாரோ அதன் படி சாதக பாதகத்தை தர கடமைபட்டிருக்கிறார். அஸ்வினி நட்சத்திரத்தை தொடர்ந்து  காலபுருஷனின் ஒன்பதாவது ராசி போகும் நாளில்  மற்றொரு ராசியான தனுசில் கேதுவின் நட்சத்திரமான மூலம் போகும் நாட்களில் ஆலய வழிபாடு நடத்தி நட்சத்திர சகாயத் திரட்டு மந்திரத்தை பாராயணம் செய்து சிறிதளவாவது அண்னதானம் செய்துவர கேதுவால் ஏற்படும் அவயோகம் ஆச்சிரியப்படதக்க அளவில் குறையும்.  கேது அட்டமத்தில் இருந்து காலத்தை நடத்தினாலும் அவயோகம் வெகுவாக குறையும், இந்த பிரார்தனையின் போது முன் வைக்கும் நியாயமான கோரிக்கைகள் எந்த தடைகள் இல்லாமல் நிறைவேறும்.

                 வியாபார ஸ்தலங்கள் அலுவலகம், போன்ற இடங்களில் பூஜை செய்து சேகரித்து வைத்திரும் தீர்தத்தை வைத்துக் கொண்டால், எதிரிகளின் தீய சக்தியிலிருந்து நம்மை பாதுகாத்துக் கொள்ளலாம்,

                    தம்முடைய பிறந்த நான், நட்சத்திரம் ஆகியவற்றை அறியாமல் வாழ்கின்ற, ஏழை எளியவர்கள் நல் வழி காண வேண்டி. நட்சத்திர சகாயத் திரட்டை புத்தாடைகளை வைத்து ஜெபித்து அவற்றை அவர்களுக்கு தானம் செய்தால் நன்னிலை பெறுவர்.  நட்சத்திரங்களால் ஏற்படும் சாதகமான அம்சங்களை அதிமாக ஜாதகரும் பெறுவார்.

அன்புடன்

சந்திர ஆதித்யன்.